02 سبتمبر 2013

Open minded





ليه يا ربي مخلقتنيش اوبن ميندد؟؟؟

بعيدا عن العربكو اللي انا كاتب بيه
و ان ده طبعا سؤال مجازي فقط فتعالى الله سبحانه و تعالى ان نستنكر او نتساءل عن خلقه لنا في اي صورة شاء

بس السؤال هنا ، هو انا لو اوبن ميندد كنت هرتاح ؟؟؟؟؟
السؤال الاهم ، هو انا ينفع اعمل فيها اوبن ميندد؟؟؟ و لو عملت هل هارتاح؟؟؟

اجابة على السؤال الاول ، أكيد كل واحد في الدنبا معجب بنفسه بشكل او باخر ، وانا شخصيا اعرف ناس اوبن ميندد و عايشين برنسات يعني مبيقولوش لأ (مش بالمعنى المبتذل) و عايشين بيفكروا في هموم اخرى تماما غير شكل العلاقات و مثل هذه الترهات

بس النقطه هنا يا رجالة أني لدرجة كبيرة مش شايف ان انا غلط او اني ممكن اتسمى closed minded ده طبعا بعيدا عن درجات ال closed minded من اول اللي مراته مينفعش تبص في الشباك لحد اللي بيتفق معاها على اطار معين لللعلاقات بشكل عام

و برده ال open minded درجات
من اول اللي مراته ممكن تسافر مع اصحابها الساحل يتفسحوا لحد درجات كتير مش هنا مكانها

طبعا كل كلامي بعيدا عن المنظور الديني ، مش حاشا لله لعدم اقتناعي بالمنظور الديني بس خلينا في الاجتماعي و العقلي و المنطقي فقط دلوقتي

المهم، نرجع لموضوعنا ، الاكيد هنا اني كنت هرتاح بشكل كبير لو افترضنا اني شخصية totally open minded  ، عقلي و ضميري و وعيي و لا وعيي جميعا لو انتموا الى هذه الطائفه لارتحت بلا شك.

و اجابة على السؤال التاني
مينفعش اعمل فيها اوبن ميندد ، اختصارا لاني لو عملت كده و فرضت ده على عقلي و وعيي ، ضميري و لا وعيي هيرفضوه تماما و ادخل في MPD او اللي بيقولوا عليها في المسلسلات شيزوفرنيا ، شخصية اللي هي انا و شخصية اللي هي اوبن ميندد و صباح الهلس بقى ساعتها.

انا دماغي ماشيه بسيستم لقيت حتى مسار اجباري موافقني عليه بشكل او بآخر في

فالحل اني ادورلي على حد يمشي مع الدماغ دي و خلاااااااااااااااص

ليست هناك تعليقات:

إرسال تعليق