17 يونيو 2013

حادثه

اول حادثه تحصلي في حياتي
انا طبعا خبطت عربيات سقتها كتير و اتخبطت و هي راكنة .. بس دي اول حادثه تفاعليه تحصلي .
بعيدا عن ان مخي توقف عن العمل حوالي 10 ثواني بعد الصدمة و بقيت قاعد في العربية باصص على التابلو و مبعملش اي حاجة.
الا ان المشكلة اني لما نزلت ابص اشوف ايه اللي حصل للعربية و اشوف الراجل صاحب العربية اللي خبطتني كانت طالبه معايا ضحك ..... هيهيهيهيهيهيهيهيهيهي.
اه و الله كانت هموت و اضحك ... صدري بيوجعني فحت مكان الحزام ما لحقني من اني اخد الدركسيون بالحضن و دماغي حاسسها معوجه بسبب الصدمة و متوقع انزل الاقي اكصدام العربية اللي مستلمها بقى لي شهرين بس ستين حتة .   و اللي طالع عليه انا ارقد على الارض من الضحك ....

المهم نزلت والحمدلله الاكصدام اتباس بوستين خفاف كده و الراجل عمال يعتذر لي و "ما كنت اظن انك توقف السيارة فجأه" و بيقولي انه اتفزع لما انا اتاخرت في النزول من السيارة لانه شاف دماغي بتتهز جامد ساعت ما صدم عربيتي .... و انا مانع نفسي عن الضحك بالعافية ...

اول ما رجعت العربية و اتحركت و فتحت في ضحك هستيري اموت و اعرف ليه

يلا ... ربنا ستر

ليست هناك تعليقات:

إرسال تعليق