Posts

Showing posts from April, 2012

ضياغ

احساس غريب جدا لما تحس انك ضايع،تايه مانتش عارف راسك من رجليك، مانتش عارف انت عاوز ايه من حياتك و لا الناس عاوزة منك ايه ، و لا انت المفروض تتوقع منهم ايه بالظبط. هل المفروض تقبل كل ما تحصل عليه و اتجوزت على كده و لا المفروض تخبط مع الناس و الدنيا عشان توصل للي انت شايف و مقتنع انه حقك سواء ماديا او معنويا و احيانا بيبقى معنويا اهم. الفكرة كلها امتى انا صح و امتى انا غلط؟،امتى الناس هي اللي صح و امتى الناس هي اللي غلط. يعني انا واحد من الناس بتوقع كتير جدا من اللي قدامي و عندي عشم فظيع في الناس اللي اعرفها ،و من وقت للتاني باخد كل خازوق. واخوه لما قرفت من نفسي و من الناس و من ابو العشم اللي عندي ده. و في نفس الوقت انا باخذل ناس مكنتش محتاجه مني كتير بالعكس الحاجة اللي بيبقوا عاوزينها مني بتبقى بسيطة جدا وسهلة بالنسبة لي بس مخي المش نضيف بيقعد يزن في اي هري لحد ما اكسل اعمل المطلوب مني ده رغم تفاهته. هل ده مدلوله اني بدات ازهق من الناس ؟ولا معناه اني بدأت أبقى انسان مش كويس ؟ ولا معناه الاتنين مبنيين على بعض؟ والاهم من ده و ده ايه هو التقييم الموطقي اللي على اساسه اقول اني ا

Drama queen

Have you ever noticed how many drama queens you meet in your life? How many fake pretentious people you know among your realtions? I realized that most of us are huge drama queen, many of us pretend to be other people , pretend to be richer greener more polite or more educated and open-minded than we really are. Many of us tend to look stronger than we are prettier than we are even more successful than we are. In this aspect we try not to look impressed with anything .or over passed by anyone either in serious staff or even in its smplest form on road, we never allow any one to pass us and never recognize that other cars are normally better stronger or fastter than ours. I think its something in our creation that gives us this trend or wht i dont know. All i know is that i m like many others tend many times to be a drama queen Published with Blogger-droid v2.0.4

عنصرية

هو احنا ليه متوقعين اننا نقعد نشتم في السعوديين و نسخر منهم و نقول عليهم جاهلين و شواذ و فيهم كل العبر و متوقعين منهم يخدونا بالاحضان يعني واحد بيواجه حكم بازدراء الذات الملكية -مش معنى كده اني موافق على الحكم او العقوبة- هل ردنا او الحل اللي احنا شايفينه ان الشعب كله يزدري الذات الملكية هل متوقعين ان لما الفيس كله يشتم السعوديين و الملك ال سعودي ده خيخلي السعوديين يفرجوا عنه، انا برده مش قصدي نمسح لهم جوخ عشان يفرجوا عنه بس نستخدم العقل و الدبلوماسية في حل مشاكلنا. و بعدين الناس اﻷي حاطه صورة ملك السعودية الله يرحمه بيبوس ايد ملك مصر الله يرحمه . اذكروا محاسن موتاكم و انسوا شوية بقى نفختنا الكدابة دي اللي يمكن كان لها سبب زمان بس مالهاش اي تلاتين لازمه دلوقتي Published with Blogger-droid v2.0.4

رسالة جديدة

بلعب في المدونة بتاعتي كده و بقلب في الكلام اللي فيها ... لقيت حسام مش مختلف و لكن اكثر عمقا من حسام اللي عايش دلوقتي او الى حد ما يتفقوا في وجهات النظر و النوايا و و يختلفوا في الاسلوب اليومي للحياة . لقيت مدونة  تدونية مندوب دعاية طبية  بقى ليها معاني جديدة و اثر نفسي مختلف ، لقيت تدوينة  و بدأت الساقية  بقت أعمق بالنسبة لي كتييير اوي . لما قريت كل تدوينة كتبتها في مدونتي العزيزة عبر حوالي اربع سنين اكتشفت اني كبرت في الاربع سنين دول عشرين سنة و اكتشفت برده اني مهمل المدونة بقالي فترة مش قصيرة مع اني برتاح في الكلام فيها جدا جدا جدا . و لما جيت اكتب التدوينة دي اكتشفت انها رقم ميه في مدونتي الفظيعة. لهذا -و بعيدا عن اي تهييس من القراء الاعزاء و خاصة قرايبي - فلقد قررت العودة الى التدوين المتواصل مرة اخرى وفقنا الله و اياكم الى سواء السبيل حسام الصعيدي في 21/4/2012